Blágrýti
Blágrýti (basalt) er algengasta gosberg jarðar, það myndar allan hafsbotninn og um 90% af Íslandi. Hamrabeltin í fjöllum Aust- og Vestfjarða eru forn blágrýtishraun, sennilega úr stórgosum eins og Skaftárelda-gosinu 1783.
Sagt er að blágrýti sé "basískt" vegna lágrar "kísilsýru" í því. Hins vegar hefur orðið "basalt" ekkert með efnafræði að gera, því það mun vera komið úr forn-egypsku (basanos) en Egyptar gerðu höggmyndir úr basalti. Stuðlaberg myndast í blágrýti vegna samdráttar bergsins við kólnun.
Blágrýtið er íslenskur steinn. Blágrýtið er sterkt efni með mikið veðrunarþol og í því sést letur sérstaklega vel. Það er hægt að fá bæði náttúrulegt og slípað í mörgum stærðum og gerðum.
